Trajneri i Italisë, Giampiero Ventura ka treguar se Marco Verratti nuk po kalon kohë të mira në Paris.
Ardhja e trajnerit Unai Emery ka ndryshuar edhe pozicionin e reprezentuesit italian në mesfushën e Paris Saint-Germain.
Mirëpo kjo nuk po i pëlqen as lojtarit e as trajnerit të Italisë, i cili ka treguar se Verratti nuk është i kënaqur të luajë pas sulmuesve, transmeton KosovaPress.
“Në Paris, Verrati po luan menjëherë pas sulmuesve dhe kjo nuk është pozita e duhur për të. Ai është një organizator i lojës”.
“Ai nuk është i lumtur te PSG, pasi që është i detyruar të luajë në një pozitë të gabuar. Është mëkat që një lojtar si ai të keqpërdoret kështu”, ka deklaruar Ventura.
