Arsenali ka kompletuar transferimin e sulmuesit Lucas Perez nga Deportivo La Coruna.
Sulmuesi Lucas Perez tashmë është lojtar i Arsenalit. Klubi anglez përmes një postimi në sajtin zyrtar, kanë bërë të ditur se kanë kompletuar transferimin e 27 vjeçarit nga Deportivo La Coruna.
Edicionin që lamë pas Perez shënoi 19 gola në të gjitha garat. Ai më parë ka luajtur edhe për Atletico Madrid C dhe PAOK-un në Greqi.
Edhe trajneri i Arsenalit, Arsene Wenger, është shprehur tejet i lumtur për transferimin e 27 vjeçarit nga Deportivo.
“Ai nuk është vetëm golashënues, ai është futbollist që kombinon mirë me lojtarë, që mund të japë topin e fundit të mirë dhe bën vrapime të mira”, ka thënë Wenger.
