Juan Manuel Mata ka folur për krizën në të cilën po kalon Manchester United.
Humbja nga Watfordi ishte e treta rresht për skuadrën e Jose Mourinhos në të gjitha garat, pas atyre nga Manchester City dhe Feyenoordi në Ligën e Evropës.
Megjithatë Mata është i bindur se kjo periudhë e keqe do të kalojë dhe skuadra do të këndellet shumë shpejt, transmeton KosovaPress.
“Unë e them gjithmonë, që një ndër gjërat më të mira që ka futbolli është se të teston gjithë kohën”, ka shkruar spanjolli në faqen zyrtare të United. “Fitorja nuk zgjat shumë, e njëjta vlen edhe për humbjen”.
“Në futboll ke mundësi që të zgjohesh dhe të reagosh”.
“Dy ndeshjet e ardhshme këtë javë do të na mundësojnë që të tregojmë aftësitë tona. Nuk kemi kohë për të mbajtur zi, duhet të reagojmë menjëherë”, ka deklaruar Mata.
