Presidenti i Napolit, Aurelio de Laurentiis, ka një propozim shumë interesant, pra Serie A të ketë 10 ekipe në të ardhmen! Ai krahas Serie A, mendon një format tjetër edhe për Champions Leaguen. Ndërkaq, me vendimin e ri të UEFA-s, nga sezoni 2018/19, katër ligat më të forta evropiane do të kenë nga katër skuadra që kualifikohen direkt në Champions. Presidenti i Napolit nuk pajtohet me këtë ide: “Jam kundër reformimit të Champions Leagues . Më e drejtë do të ishte po të formohej një Ligë me 30 ekipe nga pesë ligat më të forta në Evropë. Kjo do të reduktonte numrin e skuadrave që luajnë në Serie A, por të jem i sinqertë liga italiane nuk duhet të ketë më shumë se 10 ekipe”.