Trepça ’89 nga Mitrovica shënoi fitoren e tretë rresht në elitën e futbollit dhe kësisoj merr kryesimin. Mitrovicasit para shikuesve të vet shënoi fitore me rezultat 2:0 ndaj rivalit të vjetër, Lirisë nga Prizreni, në kuadër të javës së gjashtë. Vendasit ishin më të mirë dhe si rrjedhojë e kësaj arkëtuan tri pikë, duke u ngjitur në vend të parë me 15 pikë, por kanë dy pikë më shumë se Prishtina që ka një takim me pak. 45 minutat e parë ishin fatal për mysafirët, kur vendasit realizuan golat. Në minutën e 23-të, kapiteni Shpëtim Idrizi shënon për epërsinë e ’89-shit. Mysafirët orvaten për të barazuar, por e kot. Një minutë pa përfunduar pjesa e parë, John thellon fitoren me rezultat 2:0. Liria nuk përfitoi as nga epërsia numerike, pasi që Ylber Maloku u ndëshkua me karton të kuq pas dy të verdhëve në minutën e 61-të. Trepça ’89 edhe pse me një futbollist më pak e ka ruajtur me sukses rezultatin, ani se mysafirët patën rastin më të mirë në minutën e 81-të. Shillova u pengua në 16-sh, ndërsa gjyqtari akordoi penallti. Liridon Fetahaj humb penalltinë, kësisoj lëshoi mundësinë të ngushtoi humbjen në minutën e 81-të. Trajneri Veton Çitakut po i shkon mbarë me ’89-shin dhe shpreson të vazhdojë me këtë ritëm edhe në javët e ardhshme. Trepça ’89 kryeson me 15 pikë, kurse Liria është në vend të tetë me 6 pikë të mbledhura. Në javën e ardhshme, Trepça ’89 do të luajë si mysafir i Drenicës në Skenderaj dhe Liria pret Hajvalinë, ndeshje që do të luhen të mërkurën.
Vala Superliga, java e 6-të
Trepça ’89-Liria 2:0
E shtunë
Feronikeli-Prishtina
Hajvalia - Llapi
E diel
Besa-Drita
Gjilani-Trepça
Ferizaj-Drenica
Liga e Parë, java e 5-të
E shtunë
Istogu - Dukagjini
KEK-u-2 Korriku
Ballkani-Vitia
Rahoveci-F. Kosova
Ulpiana-Kosova (P)
E diel
Vushtrria-R. Sadiku
Deçani-Vllaznia (P)
Flamurtari-Vëllaznimi
Ndeshjet fillojnë në orën 15.00