Futbollisti Ezgjan Alioski sërish shënon në kampionatin zviceran dhe tani prin në krye të listës së shënuesve me shtatë gola sa ka edhe Caio i Grasshoppers-it. Thun-i si vendas barazoi me rezultat 2:2 me Luganon. Alioski luajti titullar për Luganon dhe e ndihmoi në barazim. Futbollisti shqiptar shënoi në minutën e 63-të dhe ishte ndër me të merituarit e kësaj pike. Në minutën e 69-të, Alioski është ndëshkuar me karton të verdhë. Grasshoppers-i si vendas shënoi fitore me rezultat 2:1 kundër Vaduzit. Mërgim Brahimi luajti nga minuta e parë, kurse Alban Pnishi u inkuadrua në minutën e 80-të dhe kontribuuan në fitoren e Grasshoppers-it.