Samuel Eto’o është konfrontuar me tifozët e Antalyasporit, të cilët janë të pakënaqur me rezultatet e ekipit.
Pas shtatë xhirove, Antalyaspor është e fundit në tabelë me vetëm tri pikë dhe pa asnjë fitore të vetme.
Barazimi i fundit me Rizespor, ka bërë që tifozët të shpërthejnë ndaj lojtarëve dhe Samuel Eto’o është afruar për të biseduar me ta.
Sulmuesi kamerunas u ka premtuar se skuadra shumë shpejt do të reagojë dhe do t’i kthehet fitoreve, e madje i ka premtuar një tifozi se nëse nuk arrijnë të zënë njërën nga 10 pozitat e para deri në fund të kampionatit do t’i dhurojë atij 100 mijë euro..
“Ne do ta përfundojmë kampionatin në top 10 vendet e para dhe ky është një premtim që do ta mbaj. Më besoni për këtë që po them, nëse nuk arrijmë në njërin nga 10 vendet e para do të dhuroj 100 mijë euro”, i ka thënë Eto’o tifozit.
Antalyaspor në javën e ardhshme ndeshet me kampionët aktual të Beshiktash.