Mbrojtësi i Manchester United, Eric Bailly ka pësuar një dëmtim në ligamentet e gjurit dhe mund të jetë për një kohë jashtë fushave të blerta.
Pas humbjes 4-0 ndaj Chelseas ky është një lajm katastrofë për “Djajtë e Kuq” të cilët kanë humbur një lojtar titullar në formacionin e Jose Mourinhos, shkruan "Goal".
“Frikësohem se është një lëndim shumë i keq. Ai lëndoi ligamentet e gjurit, kjo është shumë e keqe”, tha Mourinho për këtë dëmtim.
Ende nuk është zyrtarizuar sa do të mungojë Bailly i cili sot do të kryejë ekzaminimet mjekësore.
