Sulmuesi i Hebei China Fortune, Ezequiel Lavezzi është grumbulluar me përfaqësuesen e Argjentinës për ndeshjen kundër Brazilit të vlefshme për eliminatoret e Kupës së Botës “Rusi 2018”.
Dëmtimi muskulor i Paulo Dybalës detyroi trajnerin Bauza që të zgjedhë një zëvendësues, duke preferuar pikërisht Lavezzin.
“Po e ndjek Icardin dhe mund të grumbullohet në çdo moment. Po e shihja sfidën Inter-Torino, ku ai shënoi 2 gola”, u shpreh Bauza.
Kjo zgjedhje e Bauza ka ngjallur reagim të ashpër duke shtuar polemikat pasi ka lënë sërish jashtë Mauro Icardin, autorin e dy golave në fitoren 2-1 të Interit ndaj Torinos.