Portieri i Chapecoenses, Danilo është shpallur i vdekur edhe pse fillimisht ishte në mesin e të mbijetuarve në aksidentin ajror të Kolumbisë.
Portieri 31-vjeçar ishte një nga 81 personat në bordin e aeroplanit famëkeq ‘AMI2993’ i cili barte futbollistët e ekipit brazilian.
Fillimisht numri i të vdekurve është raportuar në 76, por listës së vdekurve i shtohet edhe Danilo duke ngritur në këtë formë në 77.
Së bashku me kolegun Alan Ruschel, i mbijetuar në aksident, Danilo u nxjerrë prej rrënojave dhe u dërgua në spital, ku edhe ndërroi jetë pas një sulmi në zemër.
Raportohet se futbollisti i ndjerë kishte komunikuar me bashkëshorten duke i thënë se është shëndosh e mirë.
