Sulmuesi i Feronikelit, Përparim Livoreka, shpreson se do të dalin me pikë nga stadiumi në Kastriot, kundër Prishtinës. Ndeshja luhet në orën 13.00, e javës së fundit për stinorin vjeshtor. “Do të jetë një ndër ndeshjet më të forta të këtij kampionatit, sepse do të takohen dy skuadrat më të forta. Besoj që do të jetë derbi i vitit, por mendoj që ne do të dalim triumfues në këtë përballje edhe pse do të jetë shumë vështirë, pasi që Prishtina ka ekip shumë cilësore”, thotë Livoreka, duke qenë i bindur se cilësia është arma më e fortë e tyre: “Mendoj që atmosfera e mirë, puna që është bërë gjatë gjithë kësaj jave nga shtabi teknik, po ashtu është cilësitë që kemi në skuadër, besoj që ato janë përparësia që do të kthehemi me rezultat pozitiv nga kjo përballje”. A do të ishit të kënaqur edhe me një pikë? “Mendoj që do të ishte e mirë edhe një pikë, duke marr parasysh kundërshtarin”, thotë Livoreka.
Vala Superliga, java e 17-të
E mërkurë
Trepça-Gjilani
Liria-Trepça ‘89
Drenica-Ferizaj
Prishtina-Feronikeli
E enjte
Drita-Besa
Llapi-Hajvalia
Ndeshjet fillojnë në orën 13.00
