Edinson Cavani do të qëndrojë te Paris Saint-Germain.
Sulmuesi uruguaian është gati të rinovojë kontratën e tij me Paris Saint-Germain, duke larguar kështu zërat që e lidhin të ardhmen e lojtarit me një kalim të mundshëm te ndonjë klub tjetër gjatë verës.
Kontrata aktuale e Cavanit me kampionët e Francës, skadon në qershor të vitit 2018, por brenda pak ditësh, uruguaiani do të nënshkruajë marrëveshjen e re që do ta lidhë me klubin parisien deri në verën e vitit 2020.
Me largimin e Zlatan Ibrahimovic për te Manchester United, Cavani po mban i vetëm peshën e sulmit të skuadrës që drejtohet nga Unai Emery dhe deri tani ai ka zhvilluar një sezon fantastik, duke realizuar 24 gola në 24 ndeshje me Parisin në të gjitha kompeticionet.
