Jan Oblak ka përfunduar në radarët e Manchester Cityt.
I pakënaqur me paraqitjet e Claudio Bravos, trajneri i Cityt, Pep Guardiola ka nisur të mendojë për një portier tjetër.
Ndonëse gjatë verës nga skuadra u largua Joe Hart dhe në vend të tij erdhi Bravo nga Barcelona, ky i fundit nuk ka bindur aspak në portën e Citizens.
Tani klubi anglez ka hedhur sytë te slloveni Jan Oblak i cili po shkëlqen me fanellën e Atletico Madridit.
Problemi qëndron te klauzola prej 100 milionë eurosh që klubi spanjoll i ka vënë Oblakut, por siç shkruajnë mediat angleze City do të tentojë të hyjë në bisedime për ta marrë reprezentuesin slloven për një çmim më të ulët.