Wayne Rooney ka marrë një ofertë nga Kina.
Sulmuesi anglez realizoi një super gol ndaj Stoke Cityt në fundjavë për t’i dhën një pikë skuadrës së tij. 31-vjeçari arriti kuotën e 250 golave me ‘Djajtë e Kuq’ duke kaluar një legjendë të klubit nga Old Trafford si Boby Charlton.
Rooney hyri në historinë e United, si golashënuesi më i mirë në histori të klubit, por ky mund të jetë goli i tij i fundit me gjigantin anglez.
Kapiteni i United kërkohet me ngulm në Kinë madje klubi i Guangzhou Evergrande që drejtohet nga Luiz Felipe Scolari është gati të shndërrojë në futbollistin më të paguar në botë, vetëm e vetëm që 31-vjecari anglez të pranojë të transferohet në kampionatin kinez.
Edhe trajneri i United, Jose Mourinho nuk përjashton mundësinë e largimit të sulmuesit dhe thotë se ky është vendim që i përket lojtarit.
“Unë mendoj se ai ka ende për t’i dhuruar këtij klubi, por çdo lojtar arrin në një pikë të karrierës kur mund të marrë vendime që i konvenojnë më shumë atij”, ka thënë Mourinho.
Mediat në Angli raportojnë që Guangzhou i ka ofruar Rooneyt një pagë prej 42 milionë eurosh në vit.
