Sulmuesi Thomas Muller deklaroi se forma e tij e dobët në këtë sezon me Bayern Munih ka ardhur si pasojë e probleme që ka shfaqur skuadra bavareze në sulm gjatë këtij sezoni. Muller ka shënuar 4 gola në 24 ndeshje zyrtare me Bayern në të gjitha veprimtaritë, vetëm 1 gol në Bundesliga. Bayern është në vendin e parë të kampionatit, me tre pikë më shumë se ndjekësit e RB Leipzig, por skuadra e Ancelotti është kritikuar vazhdimisht sepse nuk ka qenë bindëse në futbollin e luajtur.“Statistikat e mia nuk janë të njëjta me sezonet e kaluara, sepse edhe faza jonë sulmuese nuk ka qenë e njëjtë si vite më parë, – deklaroi Muller. – Problemi është se unë nuk jam individualist dhe luaj me grupin. Kur grupi funksionon edhe unë jam më mirë. Nuk jam ai tip lojtari që e merr topin në mesfushë dhe driblon pesë-gjashtë kundërshtarë. Nuk loja jonë nuk është në nivelin e duhur edhe unë vuaj. Nuk mund të shënojë me goditje standarte, kësisoj nëse nuk kemi manovër ekipore me topin unë nuk mund të shënojmë, raporton telesport. ”Por, Muller tregohet menjëherë i kujdesshëm të mos cenojë trajnerin Ancelotti:
“Nuk mendoj se është problem trajneri, por ne futbollistët nuk kemi shprehur maksimumin e mundësive të tona. Është më shumë një problem ekipor sepse individual. Duhet të jemi kompakt në fushën e lojës. Në ndeshjet ndaj Freiburg dhe Bremen fituam duke u bazuar te mbrojtja dhe pavarësisht se shënuam katër gola nuk patëm shumë raste për shënim. Mendoj se ne lojtarët duhet të shohim veten në pasqyrë dhe të korrigjohemi".
