Andrea Belotti ka përfunduar në radarin e Manchester Unitedit.
Paraqitjet e shkëlqyera të sulmuesit të Torinos këtë sezon nuk kanë ngelë pa u vënë re as nga tekniku portugez i Djajve të Kuq, Jose Mourinho.
Edhe pse nuk ka ende një kontakt zyrtar, TuttoMercatoWeb shkruan se prej disa ndeshjesh, ylli i sulmit italian po vëzhgohet nga klubi anglez.
Situata në sulmin e Man Utd duhet se nuk është e duhura, pasi Marcus Rashford po zvarrit nënshkrimin e kontratës së re me frikën e qëndrimit për një kohë të gjatë në stol. Ndërsa Tottenhami është vënë në gjurmët e francezit Anthony Martial.
Në këtë situata, Mourinho sheh te Belotti sulmuesin e duhur për një fanellë titullari në Old Trafford.
Sulmuesi i Torinos këtë sezon i ka impresionuar të gjithë me paraqitjet dhe golat e tij, duke bërë të interesohen për të klubet më të rëndësishme Evropiane, por edhe ato italiane, ku Juventusi dhe së fundi Milani janë vënë në garë për të.
