Arturo Vidal nuk mendon që të largohet nga kampionët e Gjermanisë.
Mesfushori i Bayern Munichut insiston që nuk ka asnjë arsye për t’u larguar nga bavarezët përkundër zërave se Chelsea është i interesuar për të.
29-vjeçari është transferuar në Allianz Arena në vitin 2015 nga Juventusi, dhe sa ka qenë pjesë e bardhezinjve ka punuar së bashku me trajnerin e tanishëm të Chelseat, Antonio Conte.
“Këto janë vetëm spekulime që do të harrohen shpejt”, ka thënë Vidal për Bild.
“Kam qenë lojtar i Contes për katër vite te Juventusi, por nuk kam asnjë arsye të largohem nga Bayerni. E bart këtë fanellë me shumë krenari, jam i lumtur këtu, e poashtu edhe gruaja e fëmijët janë të lumtur. Kam shumë objektiva me Bayernin”, ka përfunduar kiliani.
Vidal ka edhe dy vite kontratë me Bayern Munichun.