Iker Casillas ka veçuar një portier të madh para duelit kundër tij në Ligën e Kampionëve.
Portieri i Portos, Iker Casillas ka lavdëruar kapitenin e Juventusit, Gianluigi Buffon para duelit të tyre në Ligën e Kampionëve, të mërkurën.
Casillas ka thënë se Italia vështirë se do të ketë një tjetër portier si Buffon.
Ai e konsideron atë si një prej më të mirëve në histori të futbollit.
“Jam me fat që jam tri vjet më i ri se Gigi”, deklaroi Casillas për “UEFA.com”.
“Italia vështirë se do të ketë sërish një portier si ai. Është një prej më të mirëve në histori të futbollit”, theksoi ai.
