Milani e ka fituar kryendeshjen e javës së 25-të në Serie A duke e mposhtur Fiorentinan në San Siro me rezultat 2-1.
Skuadra vendase ishte e parë që e gjeti golin. Juraj Kucka e mposhti portierin kundërshtar në minutën e 17-të.
Mirëpo, reagimi i mysafirëve ishte i shpejtë dhe ata e barazuan rezultatin vetëm katër minuta më pas. Nikola Kalinic ishte realizues (21’).
Pas gjysmë ore lojë, transferi i ri i Rossonerëve, Gerard Deulofeu, riktheu epërsinë e nikoqirëve me golin e tij të parë me fanellën kuqezi.
Gjysma e dytë nuk prodhoi gola, ashtu që vendasit e fituan ndeshjen falë realizimeve të tyre në fraksionin e parë.
Milani është i shtati në tabelë me 44 pikë, dhjetë më pak se Napoli që mban pozitën e tretë që dërgon në Ligën e Kampionëve. Fiorentina është në vend të tetë me katër pikë më pak se Rossonerët.
Në xhiron e ardhshme, Milani udhëton te Sassuolo, kurse Fiorentina është nikoqir i Torinos.
