Antonio Conte ka folur për shkarkimin e Claudio Ranierit nga skuadra e Leicester City.
Trajneri i Chelsea ka deklaruar se lojtarët nuk mund të vendosin nëse një trajner duhet të shkarkohet.
Në Angli raportohet se lojtarët e Leicesterit kanë gisht në shkarkimin e 65 vjeçarit.
“Nuk dua të bëhem pjesë e këtyre spekulimeve, pasi besoj që nuk është e drejtë. Kjo është mungesë respekti për Claudion”.
“Lojtarët nuk mund të vendosin nëse trajneri duhet të shkarkohet. Nëse kjo ndodh, atëherë ai klub është i varfër dhe pa pushtet”.