Portieri i Juventusit dhe kombëtares italiane, Ginaluigi Buffon, do të luajë ndeshjen e tij të 1000-të në karrierë në mbrëmjen e së premtes me Shqipërinë.
Kjo ndeshje është e vlefshme për kualifikueset e Kupës së Botës “Rusi 2018”.
Pasi u shndërrua në një legjendë për Juventusin duke u bërë futbollisti që ka luajtur më shumë minuta si bardhezi, ai do të bëhet futbollisti i dytë në historinë futbollit italian që arrin kuotën e 1000 ndeshjeve me klubin dhe kombëtaren.
Këtu llogariten vetëm ndeshje miqësore dhe zyrtare me klubin e kombëtaren A, nuk llogariten ndeshjet me kombëtaret e moshave.
I pari futbollist italian që e ka arritur këtë shifër madhështore ka qenë mbrojtësi Paolo Maldini, i cili gjatë karrierës së tij regjistroi plot 1028 paraqitje.
Buffon pritet ta thyej edhe këtë rekord të Maldinit, pasi deri në fund të këtij edicioni ka dhe shumë ndeshje.
