Mesfushori i Real Madridit, Toni Kroos, e pret me padurim përplasjen e brirëve me Bayern Munihun në çerekfinalet e Champions League. “Nuk kam frikë nga Bayerni. Unë dua të fitoj Champions League dhe për t’ia dalë mbanë duhet të fitojmë ndaj Bayernit ose Barcelonës, në të gjitha mënyrat. Gjithmonë më kanë pëlqyer sfidat e mëdha në futboll dhe dua të ndeshem me më të mirët. Zidane është një trajner që i jep ide të qarta futbollistëve. Ai nuk ka nevojë për 20 minuta bisedë për të motivuar futbollistët. Mjafton prania e tij, personaliteti që ka është simboli i suksesit”, ka thënë Kroos.