Arbitrazhi video do të aplikohet në ndeshjen miqësore mes Francës dhe Spanjës, të martën, “për herë të parë” në France, bëri të ditur Federata Franceze e Futbollit (FFF) në prag të kësaj ndeshje.
“Gjyqtari kryesor do të ndihmohet nga video gjatë gjithë ndeshjes”, theksoi FFF.
Ndihma e videos do te konsistojë vetëm në katër situata të lojës: pas një goli të shënuar, një situate 11-metershi, në rastin e një kartoni të kuq direkt, ose për të korrigjuar një gabim ndaj sanksionit për një lojtar.
Presidenti i FIFA-s, Gianni Infantino, ka kërkuar që arbitrazhi video të aplikohet në Kupën e botës 2018 në Rusi.
