Periudha e viteve të 80-ta nuk harrohet kurrë për gjeneratat e vjetra dhe madje e vlerësojnë si një periudhë të papërsëritshme. Kryetari i Federatës së Futbollit të Kosovës, Fadil Vokrri, që vlerësohet si futbollisti më i mirë i të gjitha kohërave që ka pasur Kosova, pa dyshim se e ka ende të freskët në mendje kur me Partizanin e Beogradit luajti në Vlorën e Ismajl Qemailit. Një fotografi sa një mijë fjalë, shihet në foto kapiteni i asaj periudhe Fadil Vokrri në Partizan të Beogradit dhe në anën tjetër kryetrimi Sokol Kushta i Flamurtarit.
Në Vlorë me 16 shtator të vitit 1987, atmosferë impozante, në prapavijë shihen portretet në stadium të komunistit Enver Hoxha dhe Ramis Alisë dhe në fushë Fadil Vokrri duke u përshëndetur me Sokol Kushtën. Dhe për mrekulli, Flamurtari shtangu klubin serb, Partizanin duke e mposhtur me rezultat 2:0. Pas një jave përkatësisht me 30 shtator në stadiumin e Armatës Popullore të Jugosllavisë, Partizani fitoi me 2:1 por u eliminua nga garat e Kupës së UEFA. Futbollisti i asaj kohe Sokol Kushta në minutën e 76-të shënoi eurogol që tronditi Beogradin dhe eliminoi klubin serb nga garat evropiane!
