Toni Kroos mendon se Real Madridi ka luajtur mirë, përkundër humbjes nga Barcelona në El Clasico.
Goli i Lionel Messit në minutat shtesë ua dha fitoren prej 3-2 Blaugranëve në Santiago Bernabeu.
Natyrisht se lojtarët vendas mbetën të zhgënjyer pas kësaj humbjeje, por mesfushori gjerman ndihet krenar për lojën që bëri skuadra e tij.
“Nganjëherë futbolli është i neveritshëm, por mënyra se si luajtëm më bën krenar”, është shprehur Kroos.
Pas superderbit, kreun e ka marrë Barcelona me pikë të barabarta, ndërsa Reali ka një ndeshje më pak të zhvilluar.
