Sulmuesi i Atletico Madridit, Antoine Griezmann ka zbuluar se ka 60 për qind shans që ai të bashkohet me Manchester United këtë verë me dy javë për të vendosur të ardhmen e tij.
Reprezentuesi francez ka qenë i lidhur ngushtë me një lëvizje në Old Trafford dhe Griezmann ka folur për transferimin e mundshëm për herë të parë.
Griezmann diskutoi të ardhmen e tij në Quotidien të Francës, me bisedën e tij bashkë me prezantuesin e emisionit.
“Ku do të jetë Antoine Griezmann sezonin e ardhshëm?, pyeti intervistuesi sulmuesin francez.
“Pyetja shumë e mirë, mendoj se do të vendoset brenda dy javëve të ardhshme”, deklaroi Griezmann.
Pastaj prezantuesi e pyeti francezin se sa janë shanset për të parë veten te Manchester Unitedi, sikurse David Beckham.
“E mundur, e mundur. Nga dhjetë do të thosha gjashtë”, përfundoi sulmuesi i Atleticos.