Jose Mourinho nuk iu është drejtuar gazetarëve në prag të finales së Ligës Evropa kundër Ajax-it, e cila zhvillohet nesër në Stokholm në ora 20:45.
Konferenca për shtyp e trajnerit të Manchester United ishte paraparë për sot në ora 18.00, por United kërkoi anulimin për shkak të sulmeve të mbrëmshme terroriste në Mançester në koncertin e Ariana Grande, në të cilin humbën jetën 22 vetë dhe 59 të tjerë u plagosën.
Ndryshe, futbollistët e Mourinho kanë mbajtur një minutë heshtjeje në stërvitjen e fundit, ndërsa klubi ka shfaqur brengosjen për shkak të sulmit në fjalë.