Futbollistët e Kombëtares së Kosovës U-17 kanë luajtur mirë e më mirë. Madje në ndeshjen e djeshme kundër Irlandës Veriore djemtë e Kosovës triumfuan me rezultat 4:0. Besnik Kollari, përzgjedhës i Kosovës, është i kënaqur me lojën e lojtarëve të tij. “Ishte një lojë e fortë dhe gjithsesi përveç se jam i kënaqur me rezultat dhe fitore bindëse jam i kënaqur dhe me paraqitjen e futbollistëve, të cilët në këtë ndeshje bashkëvepruan me maturi dhe për mrekulli. Ruajtën brenda vetes qetësinë si dhe kurorëzuan rastet edhe pse kishim shumë raste shënimi. Në përgjithësi jam i kënaqur me paraqitjen në turne, por duhet të themi sa na mbetet shumë për të punuar në të ardhmen. Ne do të analizojmë të gjitha ndeshjet dhe të nxjerrim konkluzionet pas kësaj”, tha Kollari.
Irlanda Veriore – Kosova 0:4 (0:1)
Stadiumi “United park”, Westport.
Shikues: disa qindra.
Gjyqtarë: J. Mulroe, K. Cox, A.. Sweeney e M. Moran.
Shënues: Rrahmani (27’), Osmani (52’), M. Hyseni (54’ – nga penalltia) e E. Hyseini (57’).
Irlanda Veriore: Pengelly, Bell, Corrigan, Farelly, Ferris, Galbfraith, Bermingham, Brown (McClelland), McGivern (Smith), Storey (Willis) e Ouldhamet (Anderson).
Kosova: Ahmetaj, Salihu, Musa, Osmani (Morina) Gashi (Aliu), E. Hyseini, Rahmani (F. Hysenaj), Olluri, M. Hyseni (Prapashtica), Demolli e Tolaj (Shabani).
