Luis Enrique ka thënë fjalë të mëdha për Leo Messin.
Ai e ka quajtur argjentinasin jashtëtokësor, pas fitores në finalen e Kupës së Mbretit ndaj Alavesit.
“Messi është një jashtëtokësor në çdo kuptim dhe unë jam shumë me fat që kam punuar me të”, deklaroi Enrique.
“Është numër një, i fortë në çdo aspekt, sidomos fizikisht. Ai përkujdeset në mënyrë të përsosur për veten e tij. Ka edhe shumë më tepër për të ardhur nga Messi”, shtoi Enrique.
Ai u shpreh i lumtur që e mbylli aventurën te Barcelona me trofe.