Fiorentina pritet që zyrtarisht të njoftojë këtë javë se Stefano Pioli do të jetë trajneri i tyre i ri.
Paulo Sousa është jashtë kontratës më 30 qershor dhe barazimi i mbrëmshëm me Pescaran duket se ka qenë lamtumira e tij me klubin Viola.
Pioli ka dalë si favoriti për ta pasuar atë, dhe faqja e internetit e Gianluca Di Marzios raporton se palët janë pajtuar për një kontratë gjatë fundjavës.
Ish-trajneri i Lazios dhe Interit ka rënë dakord të marr stolin e Violës dhe një njoftim pritet të bëhet gjatë kësaj jave.
Nëse konfirmohet, do të jetë një kthim në Firence për 51-vjeçarin, i cili kaloi gjashtë vjet në Artemio Franchi si lojtar.
