Kryetari i La Ligës, Javier Tebas, ka thënë se nga ajo që ka lexuar, është i sigurt se asnjë krim nuk është kryer, sa i përket akuzave ndaj Cristiano Ronaldos për shmangie të tatimit.
Tebas foli për televizionin spanjoll La Sexta, gjatë turneut LaLiga Promises që luhet në Villareal.
“Duke i njohur ata rreth tij, dhe se sa profesionalë janë ata, jam pozitiv që Cristiano është i pafajshëm. Jetojmë në një kohë ku çdo lajm për Zyrën e Taksave të Spanjës nënkupton që secili është mashtrues”, tha ai.
“Jam i sigurt që ai është i pafajshëm. Nga ajo që kam lexuar, jam i sigurt që ai nuk ka kryer asnjë krim”, tha Tebas.