Javier Martinez mund të mos jetë kapiteni i Bayern-it, por ka marrë përsipër një detyrë shumë të rëndësishme jashtë fushe.
Spanjolli, siç ka zbuluar vetë, po ndihmon mesfushorin James Rodriguez që të përshtatet sa më shpejt me skuadrën e re.
Kolumbiani është huazuar për dy vite nga Real Madridi dhe dihet se kalimi nga Spanja në Gjermani nuk është diçka e lehtë.
Gjithsesi, Martinez e ka provuar si përvojë në vitin 2012 dhe tani është praktikisht ndihmësi personal i 26-vjeçarit.
“James nuk flet gjermanisht. Anglishtja e tij nuk është edhe aq e mirë, kështu që bashkë flasim spanjisht dhe e ndihmoj”, është shprehur qendërmbrojtësi për gazetën “TZ”.
