Bale ka treguar se biseda me Lukakun ishte shoqërore dhe nuk kishte asgjë të bënte me thashethemet që e lidhin uellsianin me klubin nga “Old Trafford”.
Raportohet se Manchester Unitedi do të tentojë ta transferojë Gareth Balen në “Old Trafford”, duke rritur edhe më shumë spekulimet biseda e uellsianit me Romelu Lukakun në miqësoren e mbrëmshme.
Por, Bale thotë se ishte diçka shoqërore dhe nuk kishte të bënte asgjë me ato që raportohet në media dhe se e uroi për klubin e ri.
“Ia nisët sërish, nuk kam thënë asgjë për thashethemet”, tha Bale për Sky Sports.
“Vetëm i urova fat – pasi vetëm sa është transferuar në Man United”, shtoi Bale. “Vetëm i urova fat për sezonin dhe shpresoj të ketë sukses”.
“Ai është duke luajtur që një kohë të gjatë dhe ia ka dalë shumë mirë në Premierligë dhe jam i sigurt që do të bëjë më të mirën për ta”, përfundoi Bale.