Federata Shqiptare e Futbollit ka publikuar në faqen zyrtare në Facebook një video të punimeve të stadimit ”Arena Kombëtare” në Tiranë.
Punimet për impiantin e ri në kryeqytet vijojnë me ritme të larta për të qenë gati në afatin e caktuar.
“Arena Kombëtare” është stadiumi i tretë modern që ndërtohet në vendin tonë pas “Elbasan Arenës” dhe “Loro Boricit”.
Stadiumi i ri i do të jetë sipas standardeve të futbollit ndërkombëtar, dhe është një nga premtimet e kreyministrit Rama pas kualifikimit historik që Kombëtarja shqiptare bëri në kampionatin europian.
FSHF ka aplikuar që “Arena Kombëtare” të jetë vendi organizator i finales së Superkupës së Europës për vitin 2019.
