Liverpooli vazhdon të insistojë se Philippe Coutinho nuk do të largohet.
Por, interesimi i vazhdueshëm i Barcelonës dhe paraqitja e një oferte të mirë, mund të bëjë që gjithçka të ndryshojë, deri në fund të këtij afati kalimtar të transferimeve.
Është raportuar se 25 vjeçari mund t’i kushtojë Barcelonës 100 milionë euro, për t’u bërë njëri nga transferimet më të mëdha në histori të futbollit.
Media britanike ‘Metro.co.uk’, ka identifikuar pesë zëvendësuesit e mundshëm te Coutinhos te Liverpooli.
Marco Asensio i Real Madridit, Riyad Mahrezi i Leicester City, Alex Oxlade-Chamberlain i Arsenalit, Thomas Lemar i Monacos dhe Ousmane Dembele i Borussia Dortmundit, mund të zëvendësojnë Coutinhon te Liverpooli.
