Një fotografi interesante në një ndeshje miqësore ndërmjet kombëtares së Kosovës dhe skuadrës së Ferizajt. Kjo fotografi është bërë në vitin 1998, në ndeshjen që luhej në fushën e futbollit në Varosh të Ferizajt. Ndeshje miqësore në kohën e okupimit, kur sportistët tanë vazhdimisht u përndoqën e u rrahën nga milicia kriminale e Serbisë.
“Kjo ndeshje kishte përfunduar me rezultat 1:1, ndërsa kombëtarja e Kosovës përgatitej për një turne në Turqi”, kujton këtë fotografi Bujar Asllani, ish futbollist i Ferizajt. Në fakt, Asllani ishte paraqitur për Ferizajn dhe e vlerëson si një ndeshje të paharrueshme, ngase vazhdimisht ishin të rrezikuar nga milicia e Serbisë.