Sulmuesi i Sampdorias, Patrik Schick, thotë se nuk ka hatërmbetje ndaj Juventusit që u tërhoq nga marrëveshja për transferimin e tij, për shkak të problemeve shëndetësore që i dolën gjatë testeve mjekësore.
“A jam i inatosur me Juventusin? Jo, nuk jam”, ka thënë 21-vjeçari për Sky Sport Italia.
Lojtari dhe klubi i tij kishin arritur marrëveshje me Zonjën e Vjetër, mirëpo pas testeve mjekësore, gjithçka dështoi.
Schick thuhet të ketë pasur një problem me zemër që është shfaqur gjatë testeve mjekësore, prandaj Juve u tërhoq nga marrëveshja.
Në ndërkohë thuhet se Sampdoria i ka ofruar kontratë të re në vlerë prej dy milionë eurosh në sezon.
Megjithatë, për shërbimet e tij vazhdojnë të interesohen Paris Saint-Germaini dhe Interi.
