Tifozët korçarë kanë ndezur atmosferën në qytetin e Elbasanit në pritje të takimit të kthimit ndaj çekëve të Mllada Boleslav. Në momentin e mbërritjes së autobusit të skuadrës së Skënderbeut, mbështetësit bardhekuq kanë krijuar një moment elektrizues i cili pa dyshim do t’i karikojë edhe më shumë futbollistët.
Ndërkohë vazhdon radhë e gjatë te biletaria para stadiumit “Elbasan Arena” teksa gjithnjë e më shumë tifozë po blejnë bileta për ta ndjekur nga afër këtë ndeshje.