Futbollisti nga Kosova, Taulant Xhaka, ndryshe anëtar i kombëtares së Shqipërisë, shënoi supergol nga gjuajtja e lirë për fitoren e Baselit me rezultat 2:0 ndaj Wettswil-Bonstetten, në ndeshjen e vlefshme të 32-tës së finales së Kupës së Zvicrës. Baseli luajti aq sa iu deshtë dhe ngadhënjeu me golat e Xhakës në minutën e 38-të dhe te Zuffit (86’). Vendasit u përpoqën maksimalisht, por nuk kishin forcë ta befasojnë kampionin. Xhaka u paraqit standard dhe me skuadrën e tij ashtu edhe siç pritej u kualifikuan, skuadër që konsiderohet si ndër favoritët për të fituar Kupën e Zvicrës.
