Skuadra e futbollit Ferizaj mobilizohet për edicionin e ri, me synimin e vetëm që të rikthehet në elitë. Klubi ferizajas bëri të ditur se është përforcuar me një mesfushor me përvojë.
“Mesfushori kaçanikas, Florim Berisha është transferi i radhës i skuadrës sonë, Berisha së fundi ishte pjesë e Dritës nga Gjilani, po ashtu janë afër transferimit te Egzon Shabanit nga Gjilani”, bëhet e ditur nga klubi ferizajas. Ata synojnë të jenë të kompletuar në të gjitha repartet.