Qatip Osmani e ka pranuar se skuadra e tij nuk ka luajtur mirë ndaj Milanit, sidomos në fazën mbrojtëse
Shkëndija është mposhtur 6:0 në ndeshjen e parë nga Milani në kualifikimet për Europa League dhe sipas trajnerit Qatip Osmani fajtorë për këtë ishte faza mbrojtëse.
Por, ai premton se në ndeshjen e kthimit në Maqedoni, skuadra do të ketë prezantim shumë më të mirë.
“Sot nuk ishim në nivelin e duhur, veçanërisht në mbrojtje, ku bënim gabime që një ekip si Milani din t’i dënojë”, tha Osmani gjatë konferencës për media.
“Ne po përgatitemi për ndeshjen e kthimit, ku shpresojmë se do të prezantohemi shumë më mirë, do të bëjmë një lojë më të bukur”, tha në fund ai.
Ndeshja e kthimit do të zhvillohet pas një jave.
