Trajneri i Chelseat nuk dëshiron të flasë për sulmuesin spanjoll.
Akuzat e Diego Costas se po trajtohet si kriminel te Chelsea, e kanë bërë të qeshte trajnerin Antonio Conte, gjatë një interviste me gazetarë.
Trajneri italian ka theksuar se të gjithë te Chelsea e dinë se çfarë ka ngjarë me Diego Costan sezonin e kaluar dhe se spanjolli tashmë i përket të kaluarës.
“Është fantastike”, ka thënë duke qeshur Conte, kur është pyetur nga gazetarët për deklaratat e Costas.
“Unë mund t’iu them se të gjithë që punojnë te Chelsea, e dinë shumë mirë se çfarë ka ngjarë sezonin e kaluar”.
“Kjo intervistë është qesharake. Nuk dua të vazhdoj të flas për këtë çështje. Ai i përket të kaluarës”, ka thënë në fund Conte.
Diego Costa do të largohet nga Chelsea këtë verë dhe kërkesa e tij e vetme është që të shkojë tek Atletico Madrid.
