Alban Bushi mund të nisë të fërkojë duart, pasi gjasat janë që skuadra e 21 vjecarëve të shkojë në sfidën ndaj Irlandës së Veriut më 31 gusht në super formë. Këtë e vërteton më së miri fakti që lojtarët po kalojnë një formë të jashtëzakonshme. Keidi Bare tashmë është pjesë e skuadrës së parë të Atleticos teksa ka arritur të shënojë edhe në miqësore për colchoneros. Qazim Laci është përshtatur më së miri në francë, madje me Ajacio ka shënuar golin e parë këtë fundjavë në sfidën e 3 më skuadrën e re.
21 vjecari që ka luajtur në total 103 minuta tashmë po fiton më shumë besim duke u shfaqur ashtu si Bare edhe në rolin e një golashënuesi. Një formë të mirë po kalon edhe Ylber Ramadani, teksa është kthyer lider i skuadrës së Vejles në divisionin e parë danez. Mesfushori nga Ferizaj po tregon klasin e tij dhe gjithcka mbetet të konfirmohet edhe me kuqezinjtë e Alban Bushit. Surpriza e verës mund të konsiderohet Elvi Berisha, që pas debutimit në Europa League me Tiranën, siguroi transferimin në La Liga te Leganes, madje duke debutuar me dy gola në një miqësore të ekipit të dytë.
Nëse për pjesën tjetër të kuqezinjve të vegjël sezoni ende nuk ka filluar, tashmë Alban Bushi mund të kënaqet me sinjalet e para, në vigjilje të dy transfertave, në Irlandën e Veriut më 31 gusht, dhe në Islandë më 4 shtator.
