Interi, Milani e Juventusi, janë skuadrat që startuan me fitore bindëse me rezultat 3:0. Interi e mundi me 3:0 Fiorentinën ndërsa Milani po ashtu me 3:0 Crotonen sikurse edhe Juventusi Cagliarin. Argjentinasi Mauro Icardi shënoi dy gola dhe premton një kampionat edhe më të mirë për Interin. “Kemi bërë atë që trajneri na ka kërkuar.
Gjithkush duhet të jetë i vetëdijshëm për fanellën që ka veshur dhe për të gjithë tifozët duhet të bëjmë mirë. Vitin e kaluar ka munguar diçka, por këtë vit shpresojmë të ndryshojmë dhe të kënaqim tifozët. Spalletti është i pari që është përpjekur të ndryshojë gjërat që u krijuan gjatë vitit të kaluar. Perishiq? Mendoj se do të qëndrojë, edhe pse nuk e kuptojë pse ka thënë se nuk ndihet mirë këtu”, ka thënë Icardi.
