Kanë mbetur edhe pak ditë para ndeshjeve të xhiros së shtatë dhe të tetë të kualifikueseve për Kampionatin Botëror – ‘Rusia 2018’ në futboll. Maqedonia do të ketë në petkun e saj katër shqiptar kundër kombëtares së Izraelit dhe asaj të Shqipërisë.
Nga përzgjedhësi Igor Angellovski janë të ftuar shqiptarët Ferhan Hasani (Shkëndija), Ezgjan Alioski (Leeds), Enis Bardhi (Levante) e Visar Musliu (Vardari). Ndeshja Izraeli – Maqedonia luhet me 2 shtator, kurse ajo Maqedoni-Shqipëri do të zhvillohet me 5 shtator. Dy ndeshje që priten me kureshtje sidomos ajo me Shqipërinë.
