Skuadra e Hamburgut, por edhe Kombëtarja shqiptare ka marrë një lajm të mirë. Në fakt, mbrojtësi Mërgim Mavraj do jetë i gatshëm për sfidën kundër Këlnit.
“Skuadra e Bundesligës, Hamburger SV, do të ketë shërbimet e specialistit të mbrojtjes, Mërgim Mavraj, të rikthyer për ndeshjen në transfertë kundër Këlnit të premten”, shkruajnë mediat gjermane.
Qendërmbrojtësi kuqezi sot e ka kryer me sukses gjithë stërvitjen me skuadrën gjermane. Mavraj mungoi në ndeshjen kundër Augsburgut për shkak të problemeve në qafë.
Rikthimi i Mavrajt është një lajm i mirë edhe për trajnerin e Kombëtaren kuqezi, Panucci, në prag të dy ndeshjeve zyrtare të eliminatoreve të Botërorit “Rusi 2018”, kundër Lihteshtejnit (2 shtator, në “Elbasan Arena”) dhe Maqedoninë (5 shtator, në “Mlladost” të Strumicës).
