Skuadra e Vllaznisë nga Shkodra startoi me fitoren në fazën kualifikuese të grupeve në Champions League. Vashat shqiptare triumfuan me rezultat 1:0 ndaj skuadrës boshnjake Sarajeva, në ndeshjen e parë të grupit 10-të, që u luajt në stadiumin “Asim Ferhatoviç – Hase’ në Sarajevë.
Në çastet e fundit pikërisht në minutën e 90+2, trimëresha Megi Doçi shënoi pas asistimit të Maksutit dhe i solli tri pikët e para shumë të mëdha, që i japin rast të kualifikohen më tej. Në sfidën e ardhshme përkatësisht me 25 gusht do të takohen me skuadrën greke, PAOK, e cila në hapje fitoi me rezultat 8:0 kundër Bettembourg nga Luksemburgu.