Lajmi për dëmtimin e Ousmane Dembélé sjell dy anët e medaljes për klubin e Barcelonës.
Sic raportojnë të përditshmet sportive europiane, për sulmuesin francez katalanasit do të kursejnë jo pak por plot 10 milionë euro, ose më saktë shifrën që duhej të depozitonin në arkat e Borussia Dortmund në rastin e 50 paraqitjve në sezon të 20 vjecarit Dembele.
Objektiv që tashmë është tërësisht i parealizueshëm, duke qënë se pasardhësi i Neymar tek Barca, mendohet të qëndrojë rreth katër muaj jashtë fushe për t’u rehabilituar.
Kartoni i sulmuesit francez i kushtoi klubit spanjoll shifrën e 105 milionë eruove plus 42 të tjera në formë bonusesh, 10 milionë prej të cilave të parashikuara nga ky sezon tashmë janë djegur.
Për të arritur bonuset e mbetura, që janë pjesë e klauzolave të përfshira në kontratën e Dembele, Dortmundit do t’i duhet tashmë të presë deri në sezonin e ardhshëm.
Sulmuesi iu nënshtrua këtë të martë ndërhyrjes kirugjikale në Finlandë pas dëmtimit të pësuar në tendinë në këmbën e majtë.