Zvonimir Boban ka analizuar transferimet e bëra nga Milani këtë verë.
Me ardhjen e pronarëve kinezë, Milani ka investuar shumë në përforcimin e skuadrës duke blerë 11 futbollistë, por sipas ish-futbollistit të tyre, Zvonimir Boban, ata ende nuk kanë yje në ekip.
Kroati thotë se i duhet kohë Milanit për të qenë pretendent për Scudetto në Serie A, pasi që Juventusi ende mbetet favorit për titullin e kampionit.
“Juventusi është favorit edhe këtë sezon”, ka deklaruar Boban për Blick.
“Milani ka transferuar disa lojtarë të mirë, por asnjë yll. Nuk është e lehtë të fitosh me aq shumë lojtarë të rinj, por shpresoj që të jem gabim”, ka theksuar ai.
Boban ka luajtur me Milanin në epokën e artë të klubit, së bashku me treshen holandeze, Gullit, Rijkaard dhe Van Basten.
