KF Besa, skuadër që përbëhej me lojtarë shqiptarë, ka shkruar historinë në futbollin suedez, duke arritur suksesin më të madh në histori të klubi. Ata kanë siguruar të martën ngjitjen në Kategorinë e katërt të futbollit në Suedi, duke siguruar pozitën e parë në Ligën e Pestë.
Qindra tifozë morën pjesë në fitoren e madhe të Besës ndaj Helsingborg AIS.
Xhenis Dednica dhe Qëndrim Vishaj shënuan golat në pjesën e parë për 2:1, shkruan “svenskafans.com”, raporton “GazetaOlle”. Në pjesën e dytë realizoi Belvin Licina për 3:1, para se gjyqtari të mbyllte ndeshjen.
Besa u bë skuadra e dytë suedeze me prejardhje shqiptare që do të garojë në Ligën e katërt, pas Malaëi Kosova IF.
Besa është formuar 20 vjet më parë, pas iniciativës së disa futbolldashësve shqiptarë.
Kryetar i klubit është Sadik Krasniqi. Ai beson se do të angazhojnë edhe lojtarë sudezë për të korrur suksese të reja edhe në Ligën e katërt.